Superliganing 21-turi doirasida AGMK Toshkentning "Bunyodkor" jamoasi mehmoni bo‘ladi.

Bo‘lajak o‘yin ushbu jamoalarning o‘zaro barcha musobaqalardagi umumiy hisobda 35-uchrashuviga aylanadi. "Bunyodkor" va AGMK qarama-qarshiligi tarixiga nazar soladigan bo‘lsak, o‘tkazilgan o‘yinlarda 9 marotaba olmaliqliklar g‘alabani tantana qilishgan, 6 bor durang qayd etilgan va 19 marta "Bunyodkor" g‘alaba qozongan. To‘plar nisbati ham "qaldirg‘ochlar" foydasig‘a: 64-41.

Ayni paytda jamoalar turnir jadvalida turlicha joylashishgan. AGMK 36 ochko bilan 3-o‘rinni egallab turgan bo‘lsa, "Bunyodkor" 32 ochko to‘plagan holda 5-o‘rinda bormoqda.

Ushbu jamoalarning joriy mavsum birinchi davrasidagi o‘yinida Qosimov jamoani ishonchli tarzda g‘alaba qozongandi. Bir kishi kam bo‘lib o‘ynashiga qaramasdan AGMK 1:0 hisobida ortda borayotgan o‘yinida "kambek" amalga oshirib, yakunda 3:1 hisobida g‘alaba qozongandi.

Bo‘lajak uchrashuv 2 oktyabr kuni "Bunyodkor" stadionida soat 18:00da boshlanadi.

Bahsni Elyor Tursunov boshqarib boradi. Shuningdek, uchrashuvda VAR tizimidan foydalaniladi va unga mas’ul etib Aziz Asimov tayinlangan.

Superliga, 21-tur. 2 oktyabr, shanba.
"Bunyodkor" – AGMK (18:00)
Toshkent, "Bunyodkor" stadioni.
Hakamlar: Elyor Tursunov, Olim Abduvosilov, Jahongir Saidov, Husan Muzaffarov
Nazoratchi: Bobur Haydarov
VAR hakami: Aziz Asimov
VAR assistent: Kristina Sereda
VAR nazoratchi: Valentin Kovalenko
Komissar: Jamshid Imamov