Hamyurtimiz harakat qilayotgan «Roma» bugun Yevropa Konferensiyalar ligasi doirasida Ukrainaning «Zarya» klubiga qarshi maydonga tushadi. Shu munosabat bilan jamoa bosh murabbiyi Joze Mourinyo odatdagidek o‘yin-oldi matbuot anjumanida ishtirok etdi va quyidagi savollarga atroflicha javob berdi.

— Siz ushbu bahsdan nimalar kutayapsiz? Shu bilan birga, Ukraina ob-havosi haqida nima deya olasiz?
— Biz «Zarya» bilan bir necha yillar oldin o‘ynaganmiz, uchrashuv dekabrda bo‘lgan. Bizni ancha qiyin sinov kutmoqda. Stadiondagi muhit ham ajoyib bo‘lsa kerak. Umid qilamanki, yakuniy natija bizni qoniqtiradi. Chunki biz shuning uchun bu yerga tashrif buyurdik.

— Jamoaning ayni damdagi ahvoli qanday? Hamma bu to‘qnashuvda ishtirok eta oladimi?
— Avvalgi o‘yinlarni tahlil etdik. Bunisi ham oldingilaridan farq etmaydi, lekin biroz kamchiliklarni tuzatishimiz kerak. Raqibimiz kuchli va natija uchun jamoaviy o‘ynay oladi. Biz ham bor imkoniyatimizni ishga solamiz. Shuningdek, hammasi uchrashuvning o‘zida hal bo‘ladi.

— Siz ishtirok etayotgan barcha musoboqalarda zafar quchishni istaysiz. Shu tufayli, Konferensiyalar ligasi ham siz uchun muhim ahamiyat kasb etadimi?
— Ayni paytda bor e’tiborimiz kutilajak o‘yinga qaratilgan. Bizda o‘z rejalarimiz bor. Uzoq kelajak haqida o‘ylashni ko‘p ham istamaymiz. To‘g‘risi, ayni damda Italiya chempionatiga ko‘proq kuch sarflayapmiz. Lekin bu ushbu turnirni yutishga bo‘lgan xohishimizni kamaytirmaydi.

— Bugungi bahs «Roma»ga qanchalik muammo tug‘diradi deb o‘ylaysiz?
— Har bir mamlakatning o‘ziga xos xislatlari bor. Va bu kabi o‘yinlar hech qachon oson bo‘lmagan. O‘zimiz maqsad qilgan natijalarimiz uchun tinmasdan ishlashimiz shart hamda maydonga jangovar ruhda tushishimiz kerak.

— «Zarya» qarshi o‘yinda rotasiyalarni amalga oshirasizmi?
— Men buni ishlatishni to‘g‘ri qaror deb o‘ylamayman. Chunki tarkibimizdagi har bir futbolchimiz o‘z kishining ustasi va ular zaxirada o‘tirishni istamaydi. Yana aytaman, «Zarya» kuchli raqib va ular uchun faqatgina g‘alabagina qoniqarli natija.