«Napoli» bosh murabbiyi Luchano Spaletti Italiya chempionatida oyning eng yaxshi murabbiyi deb topildi.

Mavsum boshida 62 yoshli mutaxassis boshchiligidagi «Napoli»ning muvaffaqiyatlari ko‘p bora muhokama qilindi. Sentyabr oyida neapolliklar A Seriyada g‘alabali yurishini davom ettirdi va 12 ochko to‘plashga muvaffaq bo‘ldi.

Bir oy davomida Spaletti shogirdlari «Yuventus» (2:1), «Udineze» (4:0), «Sampdoriya» (4:0) hamda «Kalyari» (2:0) ustidan g‘alaba qozonib, Italiya chempionatida liderlik qilmoqda.