«Наполи» бош мураббийи Лучано Спалетти Италия чемпионатида ойнинг энг яхши мураббийи деб топилди.
Мавсум бошида 62 ёшли мутахассис бошчилигидаги «Наполи»нинг муваффақиятлари кўп бора муҳокама қилинди. Сентябрь ойида неаполликлар А Серияда ғалабали юришини давом эттирди ва 12 очко тўплашга муваффақ бўлди.
Бир ой давомида Спалетти шогирдлари «Ювентус» (2:1), «Удинезе» (4:0), «Сампдория» (4:0) ҳамда «Кальяри» (2:0) устидан ғалаба қозониб, Италия чемпионатида лидерлик қилмоқда.