Angliya chempionatining 8-turi doirasida «Manchester Yunayted» safarda «Lester» klubi mehmoni bo‘lib, alamli mag‘lubiyatga uchradi.

Mankunianliklar 19-daqiqada Grinvudning goli evaziga hisobni ochishgandi, ammo oradan 12 daqiqa o‘tib maydon egalari Tilemansning goli orqali muvozanatni tiklashdi.

Bahsning so‘nggi daqiqalari gollarga boy bo‘ldi. Dastlab David de Xea ketma-ket 3ta seyvni amalga oshirib, darvozasini goldan qutqargandi. Biroq 78-daqiqada burchak zarbasidan so‘ng Suyunjyu "Lester"ni oldinga olib chiqdi. Oradan 4 daqiqa o‘tib Reshford darvozabon bilan yakkama-yakka vaziyatga chiqdi va hisobni 2:2 ko‘rinishga keltirdi.

Oradan bir daqiqa o‘tib "Lester" darhol chiroyli hujum tashkil qilib, Vardining goli evaziga yana oldinga o‘tib oldi. Ushbu gol "MYU"ni ruhan sindirib qo‘ydi. Natijada "tulkilar" qo‘shib berilgan daqiqalarda yana bitta gol urib, g‘alaba qozonishdi.

Shu tariqa, Sulsher jamoasining APLdagi g‘alabasiz o‘yinlar soni 3taga yetdi (ikki mag‘lubiyat va bir durang).

APL, 8-tur
Lester – Manchester Yunayted 4:2 (1:1, 3:1)
Gollar: 0:1 – 19 Grinvud, 1:1 – 31 Tilemans, 2:1 – 78 Seyundjyu, 2:2 – 82 Reshford, 3:2 – 83 Vardi, 4:2 – 90+1 Daka.
Lester – Shmeyxel, Rikardu Pereyra, Evans (Vestergor, 88), Amarti, Seyundjyu, Kastan, Tilemans, Meddison (Peres, 73), Sumare, Vardi, Ixeanacho (Daka, 77).
Manchester Yunayted – De Xea, Uan-Bissaka, Maguayr, Lindelef, Shou, Matich (Maktomini, 80), Pogba, Brunu Fernandesh, Sancho (Reshford, 65), Ronaldu, Grinvud (Lingard, 80).
Ogohlantirishlar: Lindelef (52), Uan-Bissaka (85), Pogba (86).