"Barselona" prezidenti Xuan Laporta klub transferlar siyosati haqida gapirdi. U yanvar oyidagi xaridlarda kataloniyaliklar yangi futbolchi olib kelishiga ishora qildi. U bu haqda shunday deydi:
"Biz barcha davrlarda ham tarkibimizni kuchaytirishni istaganmiz. Buni yanvarda yoki mavsum so‘ngida amalga oshishi haqida bir nima deya olmayman. Biz doimo bu masala ustida ishlab kelamiz. Bizning falsafamiz, o‘yin uslubimizdan tashqari doimo yosh futbolchilar va yangilar bilan chambarchas bog‘liq bo‘lib kelgan. Shunday ekan bu yo‘lda eng foydali qarorlar berishga harakat qilamiz".
"Barselona" La liga doirasida bugun tunda "Valensiya" bilan bahs yuritishi ko‘zda tutilgan.
