"Arsenal" bosh murabbiyi Mikel Arteta Angliya chempionatining 8-turida "Kristal Pelas"ga (2:2) qarshi o‘yin natijasini sarhisob qildi.
"Biz uchrashuvni yaxshi boshladik, ustunlik qildik va keskin o‘yin olib bordik. Bizda juda ko‘p vaziyatlar bor edi. Gol urilganidan so‘ng, biz xotirjamlik va o‘yin nazoratini yo‘qotdik. Ikkinchi bo‘limni yaxshiroq boshladik va o‘yinni ko‘proq nazorat qilishga urindik. Zaxiradan maydonga tushgan o‘yinchilarim hayratlanarli o‘ynashdi, jamoa bir soniya ham taslim bo‘lmadi. Biz bundan ham ko‘proq gol urishimiz mumkin edi. Natijadan hafsalam pir bo‘ldi, biz ikki ochko yo‘qotdik. Ammo durang - mag‘lubiyatdan ko‘ra yaxshiroq", - dedi Arteta.
Bu o‘yindan keyin "Arsenal" turnir jadvalida 11 ochko bilan 12-o‘ringa joylashdi, "Kristal Pelas" esa 8 ochko bilan 14-o‘rinda bormoqda.
