Bugun Chempionlar Ligasi guruh bosqich 3-tur doirasida «Barselona» Kiyevning «Dinamo» klubini qabul qiladi.
Uchrashuvdan oldin mazkur bahsga doir ma’lumotlarni taqdim etamiz.
«Barselona» guruhning dastlabki ikki o‘yinida «Bavariya» hamda «Benfika» jamoalariga 0:3 hisoblarida imkoniyatni boy berib, musobaqadagi g‘alabasiz o‘yinlari sonini beshtaga yetkazib oldi. Bu ularning 1997 yildan beri YECHLdagi eng uzun g‘alabasiz seriyasi hisoblanadi.
«Dinamo» esa birinchi turda «Benfika» bilan 0:0 hisobida durang o‘ynagan bo‘lsa, ikkinchi turga kelib Myunxen klubida 0:5 hisobidagi yirik mag‘lubiyatni qabul qilib oldi. Ikkala jamoa hozirgacha joriy mavsum Chempionlar Ligasida gol urishni eplay olgani yo‘q.
Oldingi uchrashuvlar
Jamoalar oldin 12 marta to‘qnash kelishgan, ulardan oxirgi oltitasi Chempionlar Ligasi guruh bosqichiga to‘g‘ri keladi.
O‘tgan mavsum ham jamoalar guruh bosqichida uchrashishgandi. Kiyevda o‘tgan bahsda kataloniyaliklar javobsiz to‘rtta gol urishgan bo‘lsa, o‘z maydonidagi o‘yinda 2:1 hisobida g‘alaba qozonishgan.
2009/10 yilgi mavsumda ham «Barselona» Ukraina jamoasini 2:0 (uyda), 2:1 hisoblarida mag‘lubiyatga uchratgan va har ikkala bahsda ham Messi gol urgandi.
«Dinamo» 12 uchrashuvdan uchtasida «Barselona»ni mag‘lub etgan. Eng esda qolarlisi 1997/98 yilgi mavsumda qayd etilgandi. O‘shanda Kiyev jamoasi uyda 3:0, Kataloniyada esa 4:0 hisoblarida g‘alaba qozongan va Andrey Shevchenko "Kamp Nou"da o‘tgan bahsda xet-trikni rasmiylashtirgan.
Oxirgi xabarlar
Barselona
«Barselona» yakshanba kuni o‘z maydonida «Valensiya»ni 3:1 hisobida mag‘lub etdi. Bu jamoaning barcha musobaqalarda oxirgi 7 uchrashuvdagi ikkinchi g‘alabasi (2 durang, 3 mag‘lubiyat). 26 sentyabr kuni «Levante»ga qarshi La Liga o‘yinida ham «ko‘k-anorranglilar» g‘alaba qayd etishgandi.
Joriy mavsum Ronald Kuman jamoasi 10 o‘yinda 4 g‘alabaga erishgan (3 durang, 3 mag‘lubiyat).
Ansu Fati 2020 yilning noyabr oyidan beri birinchi bor yakshanba kuni «Valensiya»ga qarshi bahsda «Barselona»ning asosiy tarkibida ko‘rinish berdi va oxirgi 10-La Liga o‘yinida oltinchi golini kiritdi.
Jamoa yarim himoyachisi Pedri 29 noyabrda topshiriladigan "Oltin to‘p" uchun nomzodlar (top-30) ro‘yxatiga kiritildi.
Dinamo Kiyev
Viktor Tsigankov Chempionlar Ligasi guruh bosqich 2-turida yevrokuboklardagi 50-o‘yinini o‘tkazdi.
«Dinamo» joriy mavsumdagi ilk mag‘lubiyatini 22 sentyabr kuni Ukraina superkubogi uchun «Shaxtyor» bilan bahsda (0:3) qabul qilib oldi. Keyingi yagona mag‘lubiyat esa kelasi hafta Myunxeniing «Bavariya»siga qarshi bellashuvda (0:5) kuzatildi.
Taxminiy tarkiblar
Barselona - Ter Shtegen, Roberto, Langle, Pike, Alba, Gavi, Buskets, De Yong, Fati, Depay, Dest
Dinamo Kiyev - Boyko, Timchuk, Zabarni, Shabanov, Mikolenko, Sidorchuk, Shaparenko, Buyalski, Tsigankov, Penya, Garmash.
Yo‘qotishlar
«Barselona» safida Pedri, Breytueyt, Arauxo jarohat sabab maydonga tusha olishmaydi. Erik Garsiya esa diskvalifikasiya qilingan. Dembele yaxshi sport formada emas.
Mehmonlar tarkibida Ibrahim Kargbo, Vladislav Kulach, Artyom Besedin, Denis Popov va Vladislav Supriagada jarohat mavjud.
Bahs rasmiylari
Bosh hakam: Klemen Tyurpin (Fransiya)
Qanot hakamlari: Nikolas Danyos, Kiril Grinkore (Fransiya)
Zaxira hakami: Jeremi Pinyard (Fransiya)
VAR: Delayo Villi (Fransiya)
VAR yordamchisi: Marko Di Biyello (Italiya)
Eslatib o‘tamiz, mazkur bahs bugun Toshkent vaqti bilan soat 21:45da boshlanishi rejalashtirilgan.
