Angliya terma jamoasining sobiq hujumchisi Gari Lineker Stiv Bryusning «Nyukasl» bosh murabbiyi lavozimidan chetlatilishi haqidagi fikrlari bilan o‘rtoqlashdi.
«Men «Nyukasl» Stiv Bryusni ishdan bo‘shatishini kutmagandim. U klubdagi qiyin vaziyatni hal qildi va o‘z ishini shunday sharoitda qo‘lidan kelganicha bajardi.
Men juda munosib odamga omad tilayman», - deb yozadi Lineker tvitterda.
Bryusning ishdan bo‘shatilish sababi bir qator qoniqarsiz natijalar samarasi bo‘ldi. 8 turdan keyin uch ochkoga ega «qarg‘alar» APL turnir jadvalida atigi 19-o‘rinni egallab turibdi.
