Kecha Chempionlar ligasining navbatdagi tur bosqichi yakuniga yetdi. Unda bir qator o‘yinlar o‘tkazildi. Ulardan biri «Barselona» hamda «Dinamo Kiyev» jamoalari o‘rtasidagi bahs edi. Vanihoyat, kataloniyaliklar Yevropa sahnida uzoq muddatli tanaffuslardan so‘ng, g‘alaba mazasini ta’tib ko‘rishdi. Avvalgi ikkita turda ketma-ket ravishda «Bavariya» hamda «Benfika»ga uchralgan yirik mag‘lubiyatlardan keyin, aytish mumkinki, Ronald Kumanning «Barselona»si o‘z uslubiyatiga bir qadar qaytib oldi. Bu fikrni faqat biz emas, balki jamoani oxirgi ikki yil ichida kim kuzatayotgan bo‘lsa, ularning hammasi aytishi mumkin. Ushbu o‘yindagi statistikaga qaraydigan bo‘lsak, «Barsa» raqib darvozasiga rosmana katta xavf tug‘dirganiga guvoh bo‘lasiz(exG ko‘rsatkichi 2,42). Jamoa bahs davomida bir nechta yaxshi vaziyatlar yarata oldi(5 ta o‘ta xavfli, umumiy 12 ta).
O‘yindagi vaziyatlar borasida, hatto raqib «Dinamo»ning o‘zi ham «Barselona» yordam berayotgandek ko‘rinardi. Darhaqiqat, ukrainaliklarning ishtiyoqi «Kamp Nou»dagi muhit sabab unchalik ham yuqori emasdi. Golda esa «eski firqa» vakillari o‘z ishini qilishdi. 32 yoshli Xordi Albaning kesib uzatgan to‘pini 34 yoshli Jerar Pike darvozaga joylab qo‘ydi. Yagona goldan keyin mezbonlarning imkoniyatlari asosan kross uzatmalar yoki jarim zarbalari orqali hosil qilindi. Uchrashuv yarmiga kelganda raqib hovurini bosib qo‘yish va himoyasini kuchsizlantirish uchun Kuman Koutinyo hamda Ansu Fatilarni maydonga tashladi. Siz bunda Fati fantastik o‘yin ko‘rsatib, uchtalab gol urib tashlashini tasavvur etishingiz va Ronaldinyo erasini eslashingiz mumkindir. Ammo amalda bunga yaqin ham kelinmadi.
Fatini maydonga tushirilish vaqti «Barsa» o‘z rangi, ko‘k va qizilga mos ravishda hamda qadriyatlardan kelib chiqib o‘yin ko‘rsata boshlagan paytga to‘g‘ri keldi. Qolaversa, natija o‘z tomoniga og‘ib turgan bir paytda, 18 yoshli hujumchi unchalik ham kuch sarflashni xohlamadi. U «Real»ga qarshi bahsga yaxshiroq formada yetib borishni istadi. Xuddi shu kabi, Ansuning qolgan jamoadoshlari ham o‘yinni shunchaki o‘ldirishga harakat qilishdi. Ularning maydondagi harakatlari buni yaqqol ifodalab berardi. Agarda raqib «Dinamo»da ishtiyoq yetarli bo‘lib, vaziyatga o‘zgartirishga rosmana harakat qilganida, «Barsa» jazolangan bo‘lardi. Kuman va uning jamoasi esa Kataloniya matbuoti tomonidan hozirda ancha og‘ir tanqidlarga mubtalo etilardi. O‘yinning ikkinchi bo‘limidagi eng qiziqarli vaziyat Fati bilan bog‘liq. U «Dinamo» darvozaboni Georgiy Bushanni o‘z jarima maydonchasi ichida dog‘da qoldirib, uning ustidan oshirma zarba berishga harakat qilib ko‘radi. Ammo harakat unchalik omadli bo‘lmadi. Shunga qaramay, mana shu voqea zerikarli o‘yinga biroz bo‘lsada qizg‘inlik baxsh eta olgandi.
Aytish mumkinki, «Barselona» o‘z kuchini hafta yakunidagi muhim bahsga tejadi. «Real» esa u yoqlarda «Dinamo»ning ashaddiy raqibi bo‘lgan «Shaxtyor»ni ayab o‘tirmadi. Shunga qaramay, kataloniyaliklar uchrashuvni yutmasalar bo‘lmasdi. Aks holda, so‘nggi yigirma yil ichida ilk bor YECHL guruh bosqichida qolib ketishi hech gap emasdi. Mana shu xavotir bilan Kuman kecha tizzasidan jiddiy jarohat olgan o‘smir yigitchani ham bahsga tashlashni lozim topdi. Nima bo‘lganda ham, Kuman agarda Barselona shahridagi ish joyini saqlab qolishni xohlasa, tarkibdagi futbolchilardan maksimal foydalanishga harakat qilishi lozim. Aks holda, Kuman jamoasini Yevropaning eng katta to‘qnashuvida(«el-klasiko») sharmandali mag‘lubiyat kutib turgan bo‘ladi.
ingliz tilidan Jaloliddin ISMATOV tarjimasi
