«Bavariya» prezidenti Gerbert Xayner har ikki yilda bir marta jahon chempionatini o‘tkazish g‘oyasiga qarshi chiqdi.

«Menimcha, bu fikr umuman ma’nosiz. «Bavariya» bunga mutlaqo qarshi. Butun dunyo muxlislari Jahon chempionati har 4 yilda o‘tkazilishini yaxshi ko‘rishadi.

Futbolchilar, murabbiylar va menejerlar o‘yinlar soni va taqvimdan shikoyat qilmoqdalar, lekin endi biz ko‘proq o‘yinlar qo‘shishimiz hammaning zarariga ishlaydi.

Bu shunchaki mantiqsizlik. O‘yinchilarning sog‘lig‘iga ko‘proq ehtiyot bo‘lish kerak, aks holda o‘yin sifati pasayadi.

Albatta, tushunamanki, g‘oyaning mohiyati qo‘shimcha daromadda, professional sportda pul muhim. Lekin biz hech qachon moliyaviy manfaatlar uchun futbolni qurbon qilmasligimiz kerak», - deydi Xayner Kicker nashriga bergan intervyusida.