«Бавария» президенти Герберт Хайнер ҳар икки йилда бир марта жаҳон чемпионатини ўтказиш ғоясига қарши чиқди.

«Менимча, бу фикр умуман маъносиз. «Бавария» бунга мутлақо қарши. Бутун дунё мухлислари Жаҳон чемпионати ҳар 4 йилда ўтказилишини яхши кўришади.

Футболчилар, мураббийлар ва менежерлар ўйинлар сони ва тақвимдан шикоят қилмоқдалар, лекин энди биз кўпроқ ўйинлар қўшишимиз ҳамманинг зарарига ишлайди.

Бу шунчаки мантиқсизлик. Ўйинчиларнинг соғлиғига кўпроқ эҳтиёт бўлиш керак, акс ҳолда ўйин сифати пасаяди.

Албатта, тушунаманки, ғоянинг моҳияти қўшимча даромадда, профессионал спортда пул муҳим. Лекин биз ҳеч қачон молиявий манфаатлар учун футболни қурбон қилмаслигимиз керак», - дейди Хайнер Kicker нашрига берган интервьюсида.