"PSJ" futbolchisi Neymar "Marsel"ga qarshi bahsda mamlakat polisiyasi tomonidan himoya qilindi. Golsiz durang bilan tugagan bahsga parijliklar muxlislari xavfsizlik nuqtayi nazaridan kiritilmagandi.
O‘yinda burchak zarbasi tepayotgan Neymarga mezbon jamoa muxlislari qo‘lidagi narsalarini ota boshlagan. Shu sabab, polisiya maxsus qalqonlar bilan braziliyalik yulduzni himoya qilishga majbur bo‘lgan.
Turnir jadvalida "PSJ" 11 turda 28 ochko bilan birinchi o‘rinda bormoqda. "Marsel" esa 18 ochko bilan to‘rtinchi pog‘onani band etgan.
