Italiya milliy jamoasining sobiq hujumchisi Antonio Kassano A Ceriya 9-turidan o‘rin olgan «Roma» – «Napoli» (0:0) o‘yinida mezbon jamoa muxlislari Neapol klubi ustozi Luchano Spalettiga hushtak chalishganiga munosabat bildirdi.
«Spalettiga qarshi hushtak chalinishi uyatli edi. U «Roma»da ajoyib ishlar qildi va klubni yaxshi ko‘rardi. Nima uchun bunday qilishdi? Tottini nafaqaga chiqargani uchunmi? Totti uning qo‘l ostida o‘ynamagani uchun faoliyatini yakunladi deyapsizmi? Men «Roma»da o‘ynadim va nima haqida gapirayotganimni bilaman.
Spaletti tanlashi kerak edi. U qaytgach, jamoani Chempionlar Ligasiga olib chiqdi. Muxlislar yaxshi narsalarni o‘ylashlari kerak. Spaletti hushtakka emas, maqtovga loyiq.
Totti 20 yildan keyin unutiladi, faqat Messi, Maradona va Kroyff abadiy. De Rossi kelajakdagi sardor edi, ammo u ham unutildi. «Roma»ni undan ko‘ra ko‘proq sevgan insonni ko‘rmaganman. De Rossi «Roma»ni Tottidan 100 barobar ko‘proq yaxshi ko‘radi», – deya Kassanoning so‘zlarini keltiradi Football Italia.
