Италия миллий жамоасининг собиқ ҳужумчиси Антонио Кассано А Cерия 9-туридан ўрин олган «Рома» – «Наполи» (0:0) ўйинида мезбон жамоа мухлислари Неапол клуби устози Лучано Спалеттига ҳуштак чалишганига муносабат билдирди.

«Спалеттига қарши ҳуштак чалиниши уятли эди. У «Рома»да ажойиб ишлар қилди ва клубни яхши кўрарди. Нима учун бундай қилишди? Тоттини нафақага чиқаргани учунми? Тотти унинг қўл остида ўйнамагани учун фаолиятини якунлади деяпсизми? Мен «Рома»да ўйнадим ва нима ҳақида гапираётганимни биламан.

Спалетти танлаши керак эди. У қайтгач, жамоани Чемпионлар Лигасига олиб чиқди. Мухлислар яхши нарсаларни ўйлашлари керак. Спалетти ҳуштакка эмас, мақтовга лойиқ.

Тотти 20 йилдан кейин унутилади, фақат Месси, Марадона ва Кройфф абадий. Де Росси келажакдаги сардор эди, аммо у ҳам унутилди. «Рома»ни ундан кўра кўпроқ севган инсонни кўрмаганман. Де Росси «Рома»ни Тоттидан 100 баробар кўпроқ яхши кўради», – дея Кассанонинг сўзларини келтиради Football Italia.