Ispaniyaning "Diaro Sport" nashri xabariga ko‘ra, "Barselona" rahbariyati bir vaqtning o‘zida bir nechta asosiy futbolchilarining o‘yinlaridan qoniqmayapti. Manba bergan xabarga ko‘ra, kataloniyaliklar rahbariyati Jerar Pike, Serxio Buskets va Xordi Albaning o‘yinlaridan norozi.
Kataloniyaliklar yangi loyihani tayyorlamoqda, unga hamma futbolchilar ham kiritilmagan. Hozirgi rahbariyat klub oldidagi xizmatlarini inobatga olib, ular bilan imkon qadar hurmat bilan xayrlashishni rejalashtirgan.
Eslatib o‘tamiz, kechagi "Rayo Valyekano"dan uchralgan mag‘lubiyatdan so‘ng (1:0) "Barselona" Ronald Kuman bilan xayrlashgan edi.
