Portugaliyalik futbolchi "Betis"ga qarshi o‘yinda gol urdi.

Ispaniya chempionatining 12-turidan o‘rin olgan uchrashuvda "Atletiko" Sevilyadan tashrif buyurgan "Betis"ni qabul qildi va yirik 3:0 hisobida g‘alaba qozondi. Ikkinchi bo‘limda zahiradan maydonga tushgan portugaliyalik Joau Felish jamoasining 3-golini urdi.

Bu gol 21 yoshli hujumchi uchun mavsumdagi ilk gol hisoblanadi. U fevral oyidan buyon "matraschilar" safida gol urolmayotgan edi.

Felish bu goli bilan o‘zining 948 daqiqalik golsiz seriyasini yakunladi.