Fransiyaning “Lion” klubi “Real” hujumchisi Mariano Diasni o‘z safiga qo‘shib olmoqchi. Klub "Zenit"dan Serdar Azmunni sotib olish harakatlarini to‘xtatadi.
Jamoa 2017/18 mavsumda o‘z safida harakat qilgan Mariano Diasga qiziqib qoldi. Ular "Real Madrid" tarkibida o‘z o‘rnini topa olmagan futbolchini qishki transfer oynasida sotib olmoqchi. O‘z navbatida hujumchi ham "Real"dan ketishga tayyor.
Joriy mavsumda Mariano "qaymoqranglilar" safida atigi 1 ta o‘yinda maydonga tushib, 1 ta golli uzatmani amalga oshirdi. Transfermarkt portali futbolchini 10 million yevroga baholamoqda.
