Франциянинг “Лион” клуби “Реал” ҳужумчиси Мариано Диасни ўз сафига қўшиб олмоқчи. Клуб "Зенит"дан Сердар Азмунни сотиб олиш ҳаракатларини тўхтатади.
Жамоа 2017/18 мавсумда ўз сафида ҳаракат қилган Мариано Диасга қизиқиб қолди. Улар "Реал Мадрид" таркибида ўз ўрнини топа олмаган футболчини қишки трансфер ойнасида сотиб олмоқчи. Ўз навбатида ҳужумчи ҳам "Реал"дан кетишга тайёр.
Жорий мавсумда Мариано "қаймоқранглилар" сафида атиги 1 та ўйинда майдонга тушиб, 1 та голли узатмани амалга оширди. Transfermarkt портали футболчини 10 миллион еврога баҳоламоқда.