"Milan" hujumchisi Zlatan Ibragimovich "PSJ" rivojiga ta’sir qilganini aytdi.
"PSJ"ni sotib olishganda, men birinchi bo‘lib shartnoma imzolaganman. Men bundan faxrlanaman. Men bo‘lmaganimda "PSJ" hozirgidek bo‘lmasdi. Ko‘pchilik meni pul, shahar yoki hayot uchun kelgan deb o‘ylardi. Ammo men kelganimda hammasi o‘zgarib ketdi", - deya Ibragimovichning so‘zlarini keltiradi Telefoot.
40 yoshli shved 2012 yildan 2016 yilgacha "PSJ" safida to‘p surgan. Jamoa bilan birgalikda u 12 ta sovrinni qo‘lga kiritdi. 2020 yildan beri Ibragimovich "Milan"da o‘ynamoqda.