"Kristal Pelas" ustozi Patrik Viyeyra jamoa futbolchisi Konor Gallager haqida fikr bildirdi. U bu haqda shunday deydi:
"Uning o‘yinlari shunchaki ajoyib. U yuqori darajada namoyon bo‘lmoqda. U jamoamizga yangi qon baxsh eta oldi. U kabi futbolchilarni kuzatsangiz doimo faol, pressingda yaxshi ishlay olishiga guvoh bo‘lasiz. U gollar urmoqda. Jamoa bilan yaxshi tushunib harakat qilmoqda. Futbolchi uchun eng asosiy jihatlar ham, aslida shu. Biz bugun bir jamoa sifatida o‘sayotganimizni namoyon qila oldik".
21 yoshli hujumkor futbolchi "Chelsi"dan, bu mavsumda ijara asosida "burgutlar" safiga o‘tgandi. U kecha "Vulverxempton"ga qarshi jamoasining ikkinchi goliga mualliflik qilgan.
