"Кристал Пелас" устози Патрик Виейра жамоа футболчиси Конор Галлагер ҳақида фикр билдирди. У бу ҳақда шундай дейди:

"Унинг ўйинлари шунчаки ажойиб. У юқори даражада намоён бўлмоқда. У жамоамизга янги қон бахш эта олди. У каби футболчиларни кузатсангиз доимо фаол, прессингда яхши ишлай олишига гувоҳ бўласиз. У голлар урмоқда. Жамоа билан яхши тушуниб ҳаракат қилмоқда. Футболчи учун энг асосий жиҳатлар ҳам, аслида шу. Биз бугун бир жамоа сифатида ўсаётганимизни намоён қила олдик".

21 ёшли ҳужумкор футболчи "Челси"дан, бу мавсумда ижара асосида "бургутлар" сафига ўтганди. У кеча "Вулверхемптон"га қарши жамоасининг иккинчи голига муаллифлик қилган.