"Aston Villa"ning iste’foga chiqarilgan ustozi Din Smit o‘z fikrlarini bildirib o‘tdi. U LMAga shunday deydi:
"Men "Aston Villa"ni ma’lum vaqt boshqarganimni o‘zim uchun katta sharaf deb bilaman. Chunki bu klub mening bolaligimdan orzum edi. Men bu mavsumda ham o‘z rivojlanish yo‘limizni davom ettiramiz deb o‘ylagan edim. Ha, futbol sanoatini tushunaman. Shu sabab ham rahbariyat chiqargan qarorni hurmat qilaman. Ammo men tez orada jamoadagi futbolchilar bilan to‘liq formaga kirib, mavsumni jadvalning yuqori qismlarida yakunlay olishga ishonar edim. Men klub egalari Nassaf Saviris hamda Ves Edensga, menga sevimli jamoamni boshqarish imkoniyatini bergani uchun chuqur minnatdorchilik bildiraman".
Eslatib o‘tamiz, 50 yoshli mutaxassis 3 yildan beri murabbiylik kursisida edi. U yangi mavsumning so‘nggi 5 ta o‘yinida ketma-ket mag‘lubiyatlardan keyin ishdan olindi.
