"Астон Вилла"нинг истеъфога чиқарилган устози Дин Смит ўз фикрларини билдириб ўтди. У LMAга шундай дейди:

"Мен "Астон Вилла"ни маълум вақт бошқарганимни ўзим учун катта шараф деб биламан. Чунки бу клуб менинг болалигимдан орзум эди. Мен бу мавсумда ҳам ўз ривожланиш йўлимизни давом эттирамиз деб ўйлаган эдим. Ҳа, футбол саноатини тушунаман. Шу сабаб ҳам раҳбарият чиқарган қарорни ҳурмат қиламан. Аммо мен тез орада жамоадаги футболчилар билан тўлиқ формага кириб, мавсумни жадвалнинг юқори қисмларида якунлай олишга ишонар эдим. Мен клуб эгалари Нассаф Савирис ҳамда Вес Эденсга, менга севимли жамоамни бошқариш имкониятини бергани учун чуқур миннатдорчилик билдираман".

Эслатиб ўтамиз, 50 ёшли мутахассис 3 йилдан бери мураббийлик курсисида эди. У янги мавсумнинг сўнгги 5 та ўйинида кетма-кет мағлубиятлардан кейин ишдан олинди.