«Real» bosh murabbiyi Karlo Anchelotti Italiya terma jamoasini boshqarish niyati yo‘qligini ma’lum qildi.
«Bilmadim, bilmadim. Menga har kunlik ish yoqadi. Terma jamoada ishlashni o‘ylab ko‘rganman, ammo u menda unchalik qiziqish uyg‘otmagan», — dedi Anchelotti.
Eslatib o‘tamiz, Italiya milliy jamoasining amaldagi bosh murabbiyi Roberto Manchinining shartnomasi 2026 yilning yoziga qadar tuzilgan. U "skuadro adzurra" bilan Yevro-2020da g‘olib chiqdi va milliy jamoa murabbiylari orasida mag‘lubiyatsiz o‘yinlar seriyasi bo‘yicha rekord o‘rnatdi.