Britaniyaning "Mirror" nashri bergan ma’lumotlarga ko‘ra, "Chelsi" yarim himoyachisi Hakim Ziyesh faoliyatini Dortmundning "Borussiya"sida davom ettirishi mumkin.
Ma’lumotlarga ko‘ra, 28 yoshli marokashlik London jamoasidagi o‘rnidan norozi va klubini o‘zgartirmoqchi, Dortmundliklar esa qishki transfer oynasida uni o‘z safiga qo‘shib olishga tayyor.
2021/22 yilgi mavsumda Ziyesh “Chelsi” safida 10ta o‘yinda maydonga tushib, 2ta gol va 1 golli uzatmaga mualliflik qilgan. "Transfermarkt.com" portali futbolchining narxini 38 million yevroga baholagan.
