O‘zbekiston milliy terma jamoasining Gruziyaga qarshi o‘tkazgan o‘rtoqlik uchrashuvi yakuniga yetdi.

Gruziya poytaxti Tbilisi shahridagi "Tengiz Burjanadze" stadionida bo‘lib o‘tgan bahsda maydon egalari kichik 1:0 hisobida g‘alabaga erishdi.

Uchrashuv tengma-teng kurashlar ostida o‘tdi. O‘yinning 40-daqiqasi o‘tib borayotgan vaqtda Gruziya terma jamoasi o‘zining o‘ng qanotidan navbatdagi hujumini uyushtirdi. Zuriko Dvitashvili birdaniga 3 nafar yurtdoshimizni chalg‘itib jarima maydonchasiga to‘pni uzatdi, u yerda bo‘sh qoldirilgan David Volkov bosh bilan zarba yo‘llab hisobni ochadi - 1:0.

Terma jamoamiz vakillari qanchalik harakat qilishmasin natijani o‘zgartira olishmadi. Yakuniy hisob – 1:0.

O‘rtoqlik uchrashuvi.

Gruziya – O‘zbekiston – 1:0 (1:0,0:0)

Gol: 40 - David Volkov (1:0).

Gruziya – Kupatadze, Kakabadze, Kashia, Xocholava, Lobjanidze, Kvekveskiri, Gviliya, Azarov, Kazaishvili, Volkov, Davitashvili.

O‘zbekiston – Yusupov, Hoshimov, Abdullayev, Qobilov, Sayfiyev, Xamrobekov, Shukurov, Aliboyev, Hamdamov, Shomurodov, Masharipov.

Chetlatish: Sayfiyev (84), Azarov (84).

Stadion: "Tengiz Burjanadze" (Tbilisi)