Ўзбекистон миллий терма жамоасининг Грузияга қарши ўтказган ўртоқлик учрашуви якунига етди.

Грузия пойтахти Тбилиси шаҳридаги "Тенгиз Буржанадзе" стадионида бўлиб ўтган баҳсда майдон эгалари кичик 1:0 ҳисобида ғалабага эришди.

Учрашув тенгма-тенг курашлар остида ўтди. Ўйиннинг 40-дақиқаси ўтиб бораётган вақтда Грузия терма жамоаси ўзининг ўнг қанотидан навбатдаги ҳужумини уюштирди. Зурико Двиташвили бирданига 3 нафар юртдошимизни чалғитиб жарима майдончасига тўпни узатди, у ерда бўш қолдирилган Давид Волков бош билан зарба йўллаб ҳисобни очади - 1:0.

Терма жамоамиз вакиллари қанчалик ҳаракат қилишмасин натижани ўзгартира олишмади. Якуний ҳисоб – 1:0.

Ўртоқлик учрашуви.

Грузия – Ўзбекистон – 1:0 (1:0,0:0)

Гол: 40 - Давид Волков (1:0).

Грузия – Купатадзе, Какабадзе, Кашиа, Хочолава, Лобжанидзе, Квеквескири, Гвилия, Азаров, Казаишвили, Волков, Давиташвили.

Ўзбекистон – Юсупов, Ҳошимов, Абдуллаев, Қобилов, Сайфиев, Хамробеков, Шукуров, Алибоев, Ҳамдамов, Шомуродов, Машарипов.

Четлатиш: Сайфиев (84), Азаров (84).

Стадион: "Тенгиз Буржанадзе" (Тбилиси)