Pro liganing 23-tur doirasidagi so‘nggi o‘yin o‘tkazildi. “Neftchi” o‘z maydonida “Nurafshon”ni qabul qildi.
Uchrashuv taqdirini o‘yinning so‘nggi o‘n daqiqasi hal qildi. Avvaliga mezbonlar Oybek Qilichev goli evaziga hisobni ochgandi, besh daqiqa o‘tar-o‘tmas ularning o‘zlari jarima maydoni ichida o‘yin qoidasini buzishdi. Penaltini Behruz Shodmonov aniq amalga oshira oldi.
Vaholanki, mehmonlarda yutuqqa erishish imkoniyati ham bor edi. Lekin ikkinchi bo‘lim boshida Bobirjon Amonov o‘n bir metrlik belgini darvozabonning mahorati evaziga golga aylantira olmagandi.
Shu tariqa, Superligaga chiqish pley-off uchrashuvida ishtirok etishga ham “Olimpik”, ham “Nurafshon”ning imkoniyatlari bor. Ko‘proq imkoniyat esa “Olimpik”da. Buning uchun toshkentliklar durang, hech bo‘lmasa kichik hisobdagi mag‘lubiyat qayd etishlari lozim, “Nurafshon”ni esa bunday baxtga faqat yirik – 14 to‘p farqidagi yutuq eltadi xolos. Shunda ham "Olimpik" so‘nggi turda mag‘lubiyatga uchrashi kerak.
Pro liga. 23-tur
14 noyabr, yakshanba
NEFTCHI – NURAFSHON - 1:1 (0:1).
Farg‘ona. “Istiqlol” stadioni. 529 tomoshabin.
Hakamlar: Asker Najafaliyev, Aleksandr Sidorov, Doniyor Saylalov
Nazoratchi: Igor Nexochin
Komissar: Jahongir Rahmatullayev.
Gollar: Oybek Qilichev, 79 (1:0), Bexruz Shodmonov, 84-pen (1:1)
Amalga oshirilmagan penalti: Boburjon Amonov, 49
"Neftchi": Mashhurjon Muhammadjonov, Shodiyor Xojimatov, Izzatillo Abdullayev (Sardor Abdunabiyev, 59), Abdulloh Olimov (Sherzod Karimov, 59), Umar Atxamzoda, A’zamjon Aliyev (Sobit Sindarov, 83), Tohirjon Shamsitdinov, Darko Stanoyevich, Aleksandr Yeshich, Oybek Qilichev, Ulug‘bek Xoshimov (Doston Toshmatov, 59)
"Nurafshon": Shohjahon Nasimov, Bobirjon Amanov, Mirjalol Jumayev, Bobur Qosimov (Behruz Shodmonov, 70), Anvarjon Jo‘rayev, Shavkat Salomov, San’at Shixov, Rustamjon Abduhamidov (Fayzullobek Jumanqo‘ziyev, 70), Alisher Sanoyev (Davronbek Isoqov, 84), Firdavs Asadov, Jasurbek O‘rinov (Sardorbek Izzatov, 62)
Ogohlantirish: Abdulloh Olimov, 56 - Jasurbek O‘rinov, 29, Shavkat Salomov, 73, Mirjalol Jumayev, 73.
Pro liga. 1—4-o‘rinlar
| # | Jamoa | O‘yin | G‘alaba | Durang | Mag‘-yat | T - F | Ochko | |
|---|---|---|---|---|---|---|---|---|
| 1 |  Neftchi |
19 | 14 | 2 | 3 | 44-14 | 44 | |
| 2 |  Dinamo |
19 | 11 | 1 | 7 | 32-27 | 34 | |
| 3 |  Olimpik |
19 | 9 | 4 | 6 | 36-20 | 31 | |
| 4 |  Nurafshon |
19 | 8 | 4 | 7 | 26-25 | 28 |
