"Fiorentina" hujumchisi faoliyatini "Yuventus"da davom ettiradi.
Jurnalist Nikolo Skira bergan ma’lumotlarga ko‘ra, "Fiorentina" yetakchisi Dushan Vlaxovich yozgi transferlar vaqtida Turin superklubiga o‘tadi. Tomonlar o‘zaro to‘liq kelishuvga erishgan. Unga ko‘ra, Dushan "keksa sinyora" bilan 5 yillik shartnoma imzolaydi va yiliga 6 million yevro maosh oladi.
Eslatib o‘tamiz, 21 yoshli Vlaxovich "binafsharanglilar" bilan 2023 yilning yozida yakuniga yetadigan shartnomasini uzaytirmoqchi emas. "Yuventus" kelasi yozda forvardning transferi borasida kelishuvga erishishi kutilmoqda.
