"Фиорентина" ҳужумчиси фаолиятини "Ювентус"да давом эттиради.
Журналист Николо Скира берган маълумотларга кўра, "Фиорентина" етакчиси Душан Влахович ёзги трансферлар вақтида Турин суперклубига ўтади. Томонлар ўзаро тўлиқ келишувга эришган. Унга кўра, Душан "кекса синьора" билан 5 йиллик шартнома имзолайди ва йилига 6 миллион евро маош олади.
Эслатиб ўтамиз, 21 ёшли Влахович "бинафшаранглилар" билан 2023 йилнинг ёзида якунига етадиган шартномасини узайтирмоқчи эмас. "Ювентус" келаси ёзда форварднинг трансфери борасида келишувга эришиши кутилмоқда.
