«Manchester Yunayted» bosh murabbiyi Ole-Gunnar Sulsher «Uotford»ga qarshi safar o‘yinidan so‘ng intervyu berdi. «Manchester Yunayted» APLda «Uotford»ga 1:4 hisobida mag‘lub bo‘ldi.
«Bu klubdagi barcha uchun katta sinov. Men klub uchun va klub bilan ishlayman. Muloqotimiz yaxshi, agar klub nimadir qilishni rejalashtirayotgan bo‘lsa, bu o‘rtamizdagi suhbat.
Maguayr? Birinchi sariq kartochka bo‘lmasligi kerak edi. Futbolchi ofsaydda edi. Yigitlar ofsaydda bo‘lganida va siz ogohlantirish olganingizda, bunga e’tibor qaratishga arziydi.
Muxlislarga hamdardman. Men ham ular kabi his qilaman. Biz juda yomon ahvoldamiz. Ammo bu futbolning bir qismi», dedi Ole.













