“Manchester Siti” bosh murabbiyi Xosep Gvardioli jamoasining Angliya Premyer-ligasi doirasidagi “Everton”ga qarshi o‘yin natijalarini sarhisob qildi. Mazkur bahsda “shaharliklar” 3:0 hisobida ishonchli g‘alabaga erishdi.
“Raqiblar juda chuqur himoyalanishdi, shu bois o‘yin ritmini to‘liq nazorat qildik. Hujumlarning so‘nggi bosqichida aynan vaziyat talab qilgandek o‘ynagani yaxshi. Bu uch ochko olishimizga yordam berdi. Qayd etishni istardimki, futbolchilarning mahorati hal qiluvchi rol o‘ynadi. Rodri va Raxim Sterling ajoyib zarbalar ijro etishdi. Biz ajoyib o‘ynadik va buning uchun mukofotlandik”, - dedi ispaniyalik mutaxassis o‘yindan keyingi matbuot anjumanida.
