“PSJ” bosh murabbiyi Maurisio Pochettino “Manchester Yunayted”ni boshqarishi mumkin.
BBC nashri xabariga ko‘ra, 49 yoshli argentinalik Fransiyada ishlashni yoqtirmaydi va yozda Angliyaga qaytishga qarshi emas. Ayni damda mutaxassis MYUdan taklif kutmoqda.
Qayd etilishicha, PSJ murabbiyni ishdan bo‘shatish niyatida emas, ammo Pochettino jamoani tark etishga qaror qilsa, uning o‘rniga parijliklar jamoa boshqaruvida ko‘rishni istagan Zinedin Zidan keladi.
Eslatib o‘tamiz, 21 noyabr kuni “Manchester Yunayted” Ole-Gunnar Sulsher bilan xayrlashganini e’lon qilgan edi. Maykl Kerrik vaqtinchalik bosh murabbiy bo‘ladi.
