“ПСЖ” бош мураббийи Маурисио Почеттино “Манчестер Юнайтед”ни бошқариши мумкин.
BBC нашри хабарига кўра, 49 ёшли аргентиналик Францияда ишлашни ёқтирмайди ва ёзда Англияга қайтишга қарши эмас. Айни дамда мутахассис МЮдан таклиф кутмоқда.
Қайд этилишича, ПСЖ мураббийни ишдан бўшатиш ниятида эмас, аммо Почеттино жамоани тарк этишга қарор қилса, унинг ўрнига парижликлар жамоа бошқарувида кўришни истаган Зинедин Зидан келади.
Эслатиб ўтамиз, 21 ноябрь куни “Манчестер Юнайтед” Оле-Гуннар Сульшер билан хайрлашганини эълон қилган эди. Майкл Керрик вақтинчалик бош мураббий бўлади.
