"Everton" ustozi Rafayel Benites o‘z futbolchisini ogoh bo‘lishga chaqirdi. U Richarlison haqida shunday deydi:
"U mavsumda beshta sariq kartochka olganini va bu juda erta ro‘y berganini juda yaxshi biladi. Bu yaxshilikka olib kelmasligi mumkin. U o‘yinda vaziyatlar uchun reaksiya bildira olmasligini anglab yetishi kerak. U vazminroq bo‘lishi lozim. Ba’zida uning jahli va harakatlarini jilovlab bo‘lmay qoladi. U o‘z harakatlari va xarakteridan boxabar bo‘lishi kerak".
Eslatib o‘tamiz, braziliyalik hujumchi "Man Siti" bilan bahsda o‘zining mavsumdagi 5 sariq kartochkasini qabul qilib olgandi. U 12ta turda 8 marta maydonga tushirilgan.