Superliganing oxirgi tur o‘yinida "Sherlar" Toshkent derbisida yana bir bor "Bunyodkor" bilan to‘qnash kelishadi.

“Bunyodkor” bilan kechadigan derbilar hamisha keskin to‘qnashuvlarga boy tarzda o‘tadi. Hozirgacha o‘tkazilgan 31 bellashuvning 12tasida "Sherlar" g‘olib bo‘lishgan. 9ta bahsda durang va 10 o‘yinda "Bunyodkor" g‘alabasi kuzatilgan. Paxtakorchilar 39 to‘p kiritib, 33 gol o‘tkazib yuborgan. Jamoalar o‘rtasidagi eng yirik natija 2020 yilning birinchi davrasida kuzatilib, unda "Paxtakor" 5:0 hisobida yutuqqa erishgan.

"Bunyodkor" maydonida kechgan bellashuvlarda 4 g‘alaba, 3 durang va 8 mag‘lubiyat qayd etganmiz. Raqib 26 to‘p kiritgan va jamoamiz 17 gol urishga muvaffaq bo‘lgan.

Navbatdagi derbini "Paxtakor"dan diskvalifikasiya sababli Farruh Sayfiyev, Abror Ismoilov, Sherzod A’zamov va Dragan Cheran o‘tkazib yuboradi. "Qaldirg‘ochlar" safida bunday yo‘qotish mavjud emas.
 
"Bunyodkor" va "Paxtakor" jamoalari o‘rtasidagi o‘yin 27 noyabr, shanba kuni soat 15:00da "Bunyodkor" stadionida boshlanadi.