"Yuventus" yarim himoyachisi Artur jamoani tark etishi mumkin, deya xabar beradi "La Gazette Dello Sport" nashri.

Manba bergan xabarga ko‘ra, "Yuve" jamoaga to‘lanadigan maoshni kamaytirish uchun shunday ish bajarishi mumkin. Shuningdek, yana bir yarim himoyachi Aaron Remzi ham yaqin orada turinliklar safini tark etishi kutilmoqda.

Shu bilan birga, "keksa sinyora" yarim himoya markazini mustahkamlovchi futbolchilarni o‘z safiga qo‘shib olmoqchi. Nomzodlar safidan Denis Zakariya (“Borussiya M”), Aksel Visel (“Borussiya D”) va Aureliyen Tchuameni (“Monako”) o‘rin olgan.

25 yoshli braziliyalik joriy mavsumda "Yuve" safida barcha turnirlarda 7 ta o‘yin o‘tkazdi.