"Roma" yarim himoyachisi Genrix Mxitaryan jamoadagi o‘rni haqida fikr bildirdi.
"Menga jamoadagi yangi pozisiya yoqadi, men ko‘proq to‘p bilan ishlayman va maydonda ko‘proq bo‘sh joy bor. Menga bu rol yoqmoqda", - dedi futbolchi "Tuttomercato" nashriga bergan intervyusida.
Avvalroq, 32 yoshli armanistonlik futbolchiga maydondagi o‘rni va vazifalari yoqmasligi, shu sabab jamoa hujumlarida kam ishtirok etayotgani haqida xabar berilgandi.
Mxitaryan “Roma”da 2020 yilning sentyabridan buyon o‘ynab kelmoqda. 2021/22 yilgi mavsumda futbolchi Italiya chempionatining 13 ta uchrashuvida ishtirok etib, 2 ta gol urdi va 4 ta golli uzatmani amalga oshirdi.