"Liverpul" vingeri Diogo Jota "Everton"ga qarshi derbi haqida o‘z fikrlari bilan o‘rtoqlashdi. "Qizillar" Rafa Benites jamoasini 4:1 hisobida mag‘lub etdi.
"Ushbu o‘yin derbi bo‘lgani uchun muxlislar uchun qanchalik muhimligini tushundik. Muxlislarimizga ajoyib kayfiyat ulashish uchun bor kuchimizni sarfladik.
Ikki tezkor goldan so‘ng biz o‘yin nazoratini biroz yo‘qotdik va "Everton"ga oradagi farqni yo‘qqa chiqarishga imkon berdik. Yaxshiyamki, biz tezda birlashdik va masalani g‘alabagacha olib chiqdik. "Liverpul" futbolchilari o‘z vazifalarini a’lo darajada bajarishdi deb o‘ylayman", - deya Jotaning so‘zlaridan iqtibos keltirmoqda "qizillar" matbuot xizmati.
