"Vest Xem" bosh murabbiyi Devid Moyes o‘z jamoasi haqida to‘xtalib o‘tdi. U o‘z intervyusida shunday deydi:
"Hozir jamoamizning egallab turgan o‘rni barcha tomonidan normal qabul qilinmoqda. Bunda yana bir narsani ta’kidlab o‘tishim kerak: bu jamoa ichida hozirga qadar muxlislar tomonidan yoqtirmaslikka, norozilikka "sazovar" bo‘lgan biror kishi chiqmadi. Yana qaytaraman, biror odam chiqmadi! Negaki, hamma bir yo‘lda, klub manfaatlari uchun harakat qilmoqda. Hozircha, buni yomon uddalayotganimiz yo‘q".
"Bolg‘achilar" birozdan so‘ng, o‘z maydonida "Chelsi" bilan kuch sinashadi.
