Madridning “Real” klubi hujumchisi Karim Benzema jarohati sabab bir haftaga safdan chiqdi. Futbolchi Ispaniya chempionatining 16-turidan o‘rin olgan "Real Sosyedad"ga (2:0) qarshi o‘yinning birinchi bo‘limida almashtirildi.
6 dekabr, dushanba kuni 33 yoshli fransiyalik futbolchi tibbiy ko‘rikdan o‘tdi, unda ma’lum bo‘lishicha, Karimning son mushaklariga jiddiy zarar yetmagan. Benzema taxminan bir hafta maydonga tusha olmaydi.
Hujumchi 7 dekabr kuni bo‘lib o‘tadigan UEFA Chempionlar ligasi guruh bosqichining 6-turida "Inter"ga qarshi o‘ynamaydi. Shuningdek, uning 12 dekabr kuni bo‘lib o‘tadigan "Atletiko" bilan derbidagi ishtiroki ham so‘roq ostida.
Hujumchi 2021/22 yilgi mavsumda "Real" safida barcha turnirlarda 20 ta o‘yin o‘tkazib, 17 ta gol urdi va 12 ta golli uzatmani amalga oshirdi.
