Мадриднинг “Реал” клуби ҳужумчиси Карим Бензема жароҳати сабаб бир ҳафтага сафдан чиқди. Футболчи Испания чемпионатининг 16-туридан ўрин олган "Реал Сосьедад"га (2:0) қарши ўйиннинг биринчи бўлимида алмаштирилди.

6 декабрь, душанба куни 33 ёшли франциялик футболчи тиббий кўрикдан ўтди, унда маълум бўлишича, Каримнинг сон мушакларига жиддий зарар етмаган. Бензема тахминан бир ҳафта майдонга туша олмайди.

Ҳужумчи 7 декабрь куни бўлиб ўтадиган УЕФА Чемпионлар лигаси гуруҳ босқичининг 6-турида "Интер"га қарши ўйнамайди. Шунингдек, унинг 12 декабрь куни бўлиб ўтадиган "Атлетико" билан дербидаги иштироки ҳам сўроқ остида.

Ҳужумчи 2021/22 йилги мавсумда "Реал" сафида барча турнирларда 20 та ўйин ўтказиб, 17 та гол урди ва 12 та голли узатмани амалга оширди.