“Barselona” muxlislari uchun qanchalik yoqimsiz bo‘lmasin, ammo bu mavsumda kataloniyaliklar o‘zlarining asosiy raqibi “Real Madrid”dan natija jihatidan ancha past ko‘rsatkich qayd etmoqda.

Madridliklar ichki chempionatda peshqadamlik qilayotgan bo‘lsa, “ko‘k-anorrannglilar” barcha turnirlarda juda katta qiyinchiliklarni boshdan kechirmoqda. Shu tariqa, “Barsa” La Liga va Chempionlar ligasida “qaymoqranglilar”ning asosiy uch hujumchisidan kamroq gol urdi, deb xabar bermoqda “Squawka” statistik portali.

“Atletiko” bilan o‘yindan so‘ng Karim Benzema (13 gol), Vinisius Junior (10 gol) va Marko Asensio (5 gol) jami 28 ta golga mualliflik qilishdi. “Barselona” La Ligada 25 ta gol urgan bo‘lsa, Chempionlar ligasida bor-yo‘g‘i 2 ta gol urishni uddaladi (jami-27).