Bugun Shvesariyaning Nyon shahrida Chempionlar ligasiga 1/8 final bahslariga qur’a tashlash marosimi bo‘lib o‘tadi, shundan so‘ng pley-offning birinchi bosqichining sakkizta juftligi shakllanadi. “Stadion.uz” nashri bo‘lajak tadbirning barcha tafsilotlari bilan tanishtiradi.
Qur’a qachon bo‘lib o‘tadi
13 dekabr dushanba kuni Shveysariyaning Nyon shahrida Chempionlar ligasi 1/8 final bosqichiga qur’a tashlash marosimi bo‘lib o‘tadi. Tadbir Toshkent vaqti bilan 16:00 da boshlanadi. Marosimni “Stadion.uz” matnli translyasiyada orqali kuzatib borishingiz mumkin.
Qaysi jamoalar ishtirok etadi
16 ta jamoa Chempionlar ligasining pley-off bosqichiga yo‘l oldi va guruh bosqichida kvartetlarda birinchi va ikkinchi o‘rinlarni egalladi. “Liverpul”, “Manchester Siti”, “Manchester Yunayted” va “Chelsi” (Angliya), “Real Madrid”, “Atletiko” va “Vilyarreal” (Ispaniya), “Yuventus”, “Inter” (Italiya), “Bavariya” (Germaniya), “PSJ”, “Lill” (Fransiya), “Benfika”, “Sporting” (Portugaliya), “Ayaks” (Gollandiya), “Red Bull Zalsburg” (Avstriya) kabi jamoalar o‘z mamlakati sharafini himoya qiladi. .
Asosiy sensasiya “Barselona”ning 1/8 finalga chiqa olmagani bo‘ldi. Xavi shogirdlari guruhda “Bavariya” va “Benfika”dan ortda qolib, kvartetda uchinchi o‘rinni egalladi. Oxirgi marta 2000/20021 yilgi mavsumda “ko‘k-anorranglilar” Chempionlar ligasining pley-off bosqichiga chiqa olmagandi.
Jamoalar qanday taqsimlanadi
Jamoalar ikkita savatga bo‘lingan. Guruh g‘oliblari dastlabki guruhdan joy olsa, ikkinchi o‘rin egalari esa ikkinchi guruhdan o‘rin olishadi.
Bir guruhdan joy olgan jamoalar
|
Guruh g‘oliblari |
Ikkinchi o‘rinni olgan jamoalar |
|
"Manchester Siti" |
PSJ |
|
"Liverpul" |
"Atletiko" |
|
"Ayaks" |
"Sporting" |
|
"Real" |
"Inter" |
|
"Bavariya" |
"Benfika" |
|
"Manchester Yunayted" |
"Vilyarreal" |
|
"Lill" |
"Zalsburg" |
|
"Yuventus" |
"Chelsi" |
Qura qanday kechadi?
Chempionlar ligasi pley-off bosqichiga qura tashlash marosimi oson. Turli savatchalardagi jamoalar juftlik hosil qiladi. Shu bilan birga, bir mamlakat vakillari, shuningdek, guruh bosqichida kesishgan jamoalar bir-biriga qarshi tusha olmaydi. Boshqa hech qanday cheklovlar yo‘q.
Asosiy intrigalar
Qur’a bizga kamida ikkita kuchli juftlikni kafolatlaydi. Sababi, “Chelsi”, PSJ va “Inter” o‘z guruhida ikkinchi o‘rinni egalladi va ikkinchi savatchadan joy olgan. Shubhasiz, “Chelsi” va “Inter” o‘z guruhida sensasion tarzda g‘alaba qozongan “Lill” bilan uchrashishdan umidvor. Sababi, PSJ ushbu jamoa bilan bir chempionatda o‘ynaydi va “Lill”ga qarshi o‘ynamasligi aniq.
Uchrashuvlar qachon bo‘lib o‘tadi?
1/8 final o‘yinlari ikki oydan so‘ng bo‘lib o‘tadi. Dastlabki o‘yinlar 15, 16, 22 va 23 fevral kunlari, javob o‘yinlari 8, 9, 15 va 16 mart kunlari bo‘lib o‘tkaziladi. Ikkinchi savatchadan joy olgan jamoalar birinchi o‘yinni o‘z maydonlarida o‘tkazishadi.
Eslatib o‘tamiz, joriy mavsumdan boshlab UYEFA tarkibida o‘tkaziladigan turnirlarda mehmondagi gol qoidasini bekor qilgan edi. Agar pley-offda jamoalar bir-birlariga bir xil miqdorda gol ursalar, javob o‘yini qo‘shimcha vaqtga o‘tadi.
Jamshidjon Mahmudov tayyorladi.
