"Mundo Deportivo" xabariga ko‘ra, agent Mino Rayola kataloniyaliklarga "Real Sosyedad" klubining belgiyalik yarim himoyachisi Adnan Yanuzay xizmatlarini taklif qilgan.
Bu taklif allaqachon kataloniyaliklar bosh murabbiyi Xaviga e’lon qilingan. U jamoaga Yanuzay kerak yoki kerakmasligi haqida qaror qabul qilishi lozim.
Yanuzayning "Sosyedad" bilan shartnomasi 2022 yilning yoziga qadar mo‘ljallangan. Futbolchi yangi shartnomadan voz kechdi, shu sababdan klub qishki transfer oynasida futbolchini sotish niyatida.
Qayd etish joiz, Yanuzay joriy mavsumda “Real Sosyedad” safida barcha turnirlarda 24 ta o‘yin o‘tkazib, 2 ta gol urdi va 2 ta golli uzatmani amalga oshirdi.
