Italiyaning “Napoli” klubi yanvar oyida “Everton” markaziy himoyachisi Yerri Minaning transferini amalga oshirishga tayyor. Bu haqda Goal.com nashri xabar bermoqda.
Mersisayd klubi himoyachini sotishga qarshi emas, chunki ularga yangi transferlar uchun mablag‘ kerak. Rafael Benites ham kolumbiyalik futbolchini qo‘yib yuborishga rozi bo‘ldi.
Neapolliklar markaziy himoyachi pozisiyasini kuchaytirish niyatida, chunki Konstantinos Manolas klubni tark etib, "Olimpiakos"ga o‘tdi.
Eslatib o‘tamiz, Minani 2018 yilda “Everton” “Barselona”dan 30,25 million yevro evaziga sotib olgan edi. Hozirda uning narxi, "Transfermarkt" portaliga ko‘ra, 20 million yevroni tashkil etadi.
