Италиянинг “Наполи” клуби январь ойида “Эвертон” марказий ҳимоячиси Йерри Минанинг трансферини амалга оширишга тайёр. Бу ҳақда Goal.com нашри хабар бермоқда.

Мерсисайд клуби ҳимоячини сотишга қарши эмас, чунки уларга янги трансферлар учун маблағ керак. Рафаэль Бенитес ҳам колумбиялик футболчини қўйиб юборишга рози бўлди.

Неаполликлар марказий ҳимоячи позициясини кучайтириш ниятида, чунки Константинос Манолас клубни тарк этиб, "Олимпиакос"га ўтди.

Эслатиб ўтамиз, Минани 2018 йилда “Эвертон” “Барселона”дан 30,25 миллион евро эвазига сотиб олган эди. Ҳозирда унинг нархи, "Transfermarkt" порталига кўра, 20 миллион еврони ташкил этади.