Afsonaviy hujumchi Ronaldu Braziliyaning «Kruzeyro» klubi egasiga aylandi, deb xabar bermoqda Itatitaia nashri.
Manbaga ko‘ra, braziliyalik afsona klubning 90 foiz aksiyasi uchun 70,2 million dollar to‘lagan. Bu mablag‘ning bir qismi klub qarzlarini to‘lash uchun ketadi.
Eslatib o‘tamiz, 45 yoshli Ronaldu futbolchilik davrida 1993 yildan 1994 yilgacha «Kruzeyro»da o‘ynagan. Keyin esa «PSV», «Barselona», «Inter», «Real», «Milan» va «Korintians» klublarida o‘ynagan.
Shuningdek, Ronaldu 2018 yilda Ispaniyaning «Valyadolid» klubining 51 foiz aksiyasini sotib olgan edi.
