Афсонавий ҳужумчи Роналду Бразилиянинг «Крузейро» клуби эгасига айланди, деб хабар бермоқда Itatitaia нашри.
Манбага кўра, бразилиялик афсона клубнинг 90 фоиз акцияси учун 70,2 миллион доллар тўлаган. Бу маблағнинг бир қисми клуб қарзларини тўлаш учун кетади.
Эслатиб ўтамиз, 45 ёшли Роналду футболчилик даврида 1993 йилдан 1994 йилгача «Крузейро»да ўйнаган. Кейин эса «ПСВ», «Барселона», «Интер», «Реал», «Милан» ва «Коринтианс» клубларида ўйнаган.
Шунингдек, Роналду 2018 йилда Испаниянинг «Вальядолид» клубининг 51 фоиз акциясини сотиб олган эди.
